أهدتني ( أحبك ) فأهديتها (حضوري لزفافها) من غيري

هي قصة ذُرفت الدموع من أجلها ..هي حكاية أصبحت تحكى وتروى من الصغير قبل الكبير .. حكاية حبّ نسمعه في كل عصر ونقوله : للمحبّ والمهاجر .. وربما تقوله : حتى للسائق والخادمة أو الصغير والكبير مجاملة ..
ولكنه من فم صاحبة قصتي قد خرج وكأنه حبات لؤلؤ أو نجوم تتلألآ في ارض بلا نور .. أرض قد أعتم كل ما فيها وجاءت كلمة (أحبك ) وكأنه لأول مرة يسمعها في حياته ..
قصتي تبدأ من هذه الكلمة ، وقد سردتها لأجل هذه الكلمة ، وسأختتمها بهذه الكلمة أيضا بإذن الله تعالى ..
خالد : أبو منى رجل أعمال كبير ومعروف بعقله وحكمته .
عادل : أخو منى وهو أكبر منها بالعمر –عمره 26سنة- وهو طبيب ناجح ..وسيم ..محترم ..خلوق ومؤدب ..لم يتزوج بعد ..
منى : البنت الدلوعة ، من قبل الكل عمرها -24سنة- تعشق الفروسية والسباحة والرسم ..
تبدأ القصة مع منى التي أحبت أن تكوّن مؤسسة خاصة لها مضمون هذه المؤسسة للديكور والتصميم الداخلي ، وفعلا تحقق لها ماكانت تتمناه وتحلم به ، كبرت المؤسسة وكبر معها الشغل وأصبحت منى من أكبر سيدات الأعمال في هذا المجال داخل وخارج المملكة العربية السعودية .
أحمد وخالد وسارة أصبحوا هم أهل وإخوان منى ، ولأنها تعرفهم من قبل فأصبحوا هم الأصدقاء المقربين منها وخاصة – أحمد - .
دخل عليها المكتب قرع الباب للاستئذان في الجلوس ، أشرت له تفضل ..طلبت له العصير وبعد ذلك استمرت في الحديث مع – عبد الله – الزميل الجديد ..
عبد الله : هو من أحد الأسر العريقة في المملكة ..فارس .. وسيم لأبعد حد ..محترم ..ويلتقي مع منى في حبه وعشقه للفروسية والسباحة والرسم ..
منى لم تكن تعلم بأن عبد الله لم يأتي لكي يشتغل بل جاء إلى مكتبها لغرض في نفسه ، هذا الغرض هو كثرة حبه وعشقه بل وشوقه لهذه الإنسانة الرائعة التي أسرت كل عرق داخل جسمه .. أحبها من خلال حديث أهله عنها لأنها وفي أحيانا كثيرة تقبل عزيمة – غلا- أخت عبد الله من الرضاعة وابنة خالته ،
منى : سارة ممكن تقولين لعبد الله يجي عندي الآن ؟
سارة : طيب ..دقائق ويكون عندك يا أحلى منونة .
-الكل كان يحترم منى لأنها إنسانة تستحق الإحترام .. والكل كان يخاف عليها حتى من نسمة الهواء .. وكانوا يلبون لها أي طلب تطلبه لأنه وعلى رأي أحمد – ماعنده أخوات وهو وحيد أهله – هذه أختي ولو طلبت عيوني والله ماتغلى عليها .
دق الباب . منى : تفضل .
عبد الله : السلام عليكم – وقلبه طاير من الفرح لأنه بيشوفها ..
منى : وعليكم السلام .
عبد الله : خير ..قالتلي سارة إنك تبيني ..خير إن شاء الله .
منى : إيه ..أبيك تشيك لي على الكتلوجات الجديدة تبع الموسم هذا الخاصة بالأثاث .
عبد الله : حاضر ياستي من عيوني الثنتين .
منى بدعابة : تسلم عيونك ..لأنك بدونها ماراح تشوف الكتلوجات زين ..
عبد الله وهو يضحك – وهذه الضحكة هي اللي سحرة منى - : في هذه معاك حق .
منى : أجل خلاص كمل شغلك .ز وبكره أبيها تكون جاهزة على مكتبي .
عبد الله : إن شاء الله .
خرج عبد الله من عند منى وحبه لها يزداد يوم وراء يوم .. وفي يوم الثلاثاء على الساعة (11 ونصف ) يدق جوال منى
منى : ألووووووووووووووو
الغريب : مساء الخير ياسيدة الأعمال .
منى : نعم يا أخي شكلك غلطان بالرقم
الغريب : لا أنا متأكد مش غلطان .. إنت مش منى بنت خالد ؟
منى : إيه نعم أنا منى بنت خالد .. عفوا من معي ؟
الغريب : معاك واحد يبغى يقولك إذا كانت حياة الشباب الموجودين معاك تهمك تتركين الشركة الموجودة في الرياض أو تقفلينها .
منى : لا أنت أكيد مجنون .. الغريب : لا أنا مش مجنون بس ممكن أصير مجنون لو مانفذتي كلامي . منى : تقفل الخط في وجهه .. وش هالتخلف هذا ، أكيد هذا واحد مجنون مش طبيعي الله يستر .
خلصت شغلها على الواحدة ظهرا ورجعت للبيت .. منى : عدول جاي بدري اليوم ..خير إن شاء الله .
عادل : أبد ..بس قلت أرجع أشوف أختي حبيبتي لأنها وحشاااااااااااااني حييييييييييييييييييييل .
منى : لا إذا كذا – سعيدة الحظ بتغار-
عادل وهو يضحك : خليها تغار شو بيصير يعني .
منى : ههههههههههههههههههههههههههههههههههه
صعدت منى لغرفتها علشان ترتاح .. ولكن صوت الشخص المتصل كان قالقها بالمرة ..لدرجة إنها ماعرفت تنام ، أذن العصر وصلت .. ورجعت لسريرها ولكن القلق بيقتلها .. حاولت إنها تكمل شغلها بس ماعرفت رغم إن الشغل كثر شعر رأسها لكن ماعرفت تعمل شيء .
بعد المغرب جلست مع أهلها لتناول القهوة رن تلفون المنزل وكان المتصل أحمد ، رد عليه عادل : هلا أحمد ، كيف الحال ، وين الغيبة ماعاد تنشاف أبد ؟
أحمد : هلا فيك ، أبد بس أنت عارف ظروف الشغل واللا ماتشوف منى ؟
عادل : إلا والله إني شايفها وشايف شغلها ..الله يعينكم إن شاء الله
أحمد : إن شاء الله ..ممكن أكلم منى .
عادل : طيب ..ثواني بس .
منى : هلا أحمد ، خير فيك شيء ؟
أحمد بصوت مبحوح : بصراحة .. عبد الله عمل حادث وهو في المستشفى .
منى بصراخ : شووووووو عمل حادث ، متى وليش وكيفه الآن ؟
أحمد : أهدئ يامنى .. إن شاء الله مافيه إلا العافية . منى : دقائق وأنا عندكم ..
عادل : خير يامنى وش صاير عبد الله وش فيه ؟
منى وهي تصيح : عبد الله عمل حادث وهو في المستشفى . عادل : طيب أهدئ وبإذن الله مافيه إلا العافية ، أطلعي غيري ملابسك وأنا بأوديك له . منى : أوكيه .

ياترى كيف راح تكون حالة منى بعد سماعها الخبر ؟؟ وما ذا طلب عبد الله من أحمد ؟؟ كل هذا في البارتات الجاية ..


[/center]
[/center]

يعطيك العافية على الطرح الاكثر من رائع
ننتضر الجزء الثاني

مشكور على هالروايه بنتظار جديدك

يسلمووو على الطرح المميز وهذا مو غريب منك

بنتظار البارت التاني

لا تطول علينا

تحياتي لكـ

أبو عادل : ها وش أخبار بنتي اليوم . منى : الحمد لله أنا واجد زينة .
الوالد : وكيف الشغل ؟ منى : الحمد لله كل شيء تمام بس أنت عارف ذوق الزبائن صعب جدا . الوالد : أفا وش ذا الكلام ، يعني لو عادل ..أقول ممكن ، بس أنت لا .
منى : يالله الله يعين ، شغلي وأحبه شو أعمل بعد . الوالد : يالله الله يوفقك يابنتي ويسعدك ويفرحلي قلبي فيك ، وأشوفك عروس على الكوشة وفي بيت رجلك .
منى بدلع : الظاهر أن رجل الأعمال خالد طفش من بنته عشان كذا يبي الفكه منها باسرع وقت. الوالد : لا طبعا أنت بنتي الغالية بس أبغى أفرح فيك بسرعة . منى : الله كريم يا بابا .
دخل عادل للبيت بس ماكان لوحده ، كان معاه – أحمد - .
عادل وأحمد : السلام عليكم ز أبو عادل : وعليكم السلام ، حيا الله الشباب ، وش أخباركم . عادل وأحمد : الحمد للهخ كل شيء تمام . أبو عادل : الحمد لله .
أستأذن عادل عشان يصعد يغير ملابسه .. وكذلك أبو عادل لأن معاه مكالمة مهمة ..
أحمد : أقول منى ، وش فيك سرحانة ؟ منى : أبد يا خوي مافيني شيء ، بس شوية صداع . أحمد وكأنه شاك : متأكدة . منى : طبعا متأكدة – تبغاني أحلف لك . أحمد وهو يضحك : لا ، إذا كذا سلامتك يا أحلى أخت .
ابتسمت منى غصبا عليها ، لأن الصداع بيذبحها بس حاولت أنها تستحمل عشان ماتبين لأهلها أي شيء ، أقول يا أحمد ، عبد الله خرج من المستشفى ؟
أحمد : إيه الحمد لله ، ليش بغيتي منه شيء ؟ منى : لا سلامتك ، بس الدوخة اللي عنده خفت واللا لا ؟ أحمد : بصراحة –لا- بس قالي أنه حاب يرتاح في البيت .
منى : أوكيه ،، أنت فاضي المغرب ؟ أحمد : إيه فاضي ، ليش ؟
منى : بصراحة ، أبغى أروح أسلم عليه ، وأنت وعادل راح تجون معي ..
أحمد : لا أنا ما أقدر أروح ، وبعدين أنت بعد المفروض ماتروحين .
منى بإستغراب : أحمد وش الجنان هذا ، أنت عارف أنه لازم أروح عشان أسلم على خالتي هند وخالتي نورة والبنات أنا ماشفتهم من يوم طاح عبد الله .
أحمد بإصرار : منى أرجوك لا تروحين .. منى بدهشة أكبر : أحمد أش الموضوع ، وليش ماتبغاني أروح ؟ . أحمد بتوتر : خلاص لا تروحين وبس ، ورجاءا لا تسأليني ليش ؟
وقطع نقاشهم الدادة – سميرة – وهي تقول لهم ، أن الغداء جاهز . منى : أوكيه الآن جايين .
أجتمع أفراد الأسرة ومعهم أحمد على مائدة الطعام .. كل واحد مشغول بالأكل اللي قدامه أما منى فعقلها مشغول مع كلام أحمد ، بس حاولت أنها ماتبين سيء خاصة قدام والدها لأنها ما تبي تضيّق صدره .. قام الجميع من على المائدة ، وذهبوا إلى الصالة شربوا الشاي ثم صعد عادل لغرفته لكي يرتاح والوالد كذالك .. استأذن أحمد ، لكن منى أصرت عليه أنه يجلس عشان يكملون كلامهم .. فجأة أحس أحمد إنه استعجل في كلامه مع منى ، بس هو كمان عارف إن منى ماراح ترتاح إلا إذا عرفت الموضوع كامل .. منى : أحمد تبغى أقول للدادة تجيبلك حلا أوي أي شيء . أحمد : لا ، مشكورة حبيبتي .

ياترى وش الموضوع اللي أحمد مخبيه على منى ، وشو راح تكون ردة فعلها تجاه ها لموضوع؟.

خرج هو وياها إلى بيت الشعر الموجود عندهم بالفلة . منى : أحمد .. شو اللي مخبيه عليّ وما تبغاني أعرفه ؟
أحمد : منى صدقيني مافيه شيء بس انت عارفة ...
منى تقاطعة : عارفة ، عارفة شو يا أحمد بالضبط .. أحمد والله لو ماتكلمت معاي بصراحة لأروح الآن لعبد الله وأعرف منه الموضوع كامل . أحمد وهو يحاول يهدئ منى : طيب بس أوعديني إنك ما تزعلين من الكلام اللي بأقوله ؟ منى : لا ما راح أزعل .. ممكن تتكلم ؟
أحمد وبعد صمت دام لأكثر من – 5- دقائق ، بصراحة عبد الله طلب مني إني أقولك إنك .... ويسكت .... منى : كمل وش اللي طلبه منك ، أحمد تكفى تكلم تراك رفعت ضغطي ... ويكمل كلامه بصراحة يقول لا عاد تزورينه مرة ثانية .
منى بإستغراب : عبد الله طلب منك ، ليش ، أنا وش عملت له ؟ أحمد : والله ما أعرف يامنى ، لكن هو اللي طلب مني وقالي أعلمك . منى وهي تهز رأسها بالإيجاب : طيب ، ما صار شيء يا أحمد ، وما دام أن زياراتي تضايقه فقل له : وعد من منى أنك ما عاد تشوف وجهها .. الدموع كانت تنهمر من عيونها مثل الشلال ، حاول أحمد أنه يهديها بس للأسف تركته وصعدت غرفتها وقفلت على نفسها الباب . حاول أحمد أنه يكلمها بس ماكانت ترد عليه .. خرج أحمد من بيت أبو عادل والحزن يعتصر قلبه ، لأنه ما قد شاف منى متضايقة وتصيح بالشكل هذا وللأسف سبب هالدموع هو نفسه .. وصل لبيتهم أستقبلته أمه بكل فرح سلم عليها وحبّ رأسها وصعد لغرفته تمدد على السرير حاول ثلاثين مرة أنه يدق على منى بس في كل مرة بتقفل الخط في وجهه ، قام توضأ وصلى ركعتين حس بنوع من الراحة ولكن طيف وخيال منى اللي دايم يقول أنها – أخته- مافارقه وخاصة وقت ماكانت تبكي .. وقتها تمنى لو الأرض تنشق وتبلعه ولا أنه زعّل منى .. ولكن ما كل ما يتمنى المرء يدركه .

أهل عبد الله وعائلته :

فهد : أبو عبد الله وهو من أسرة عريقة ذات عز ومال وجاه وسلطان .. وصديق أبو عادل حيل.
هند : أم عبد الله ، لبنانية الأصل ، وهي من أسرة عريقة .. تحب أولادها وأولاد العيلة كاملة ، طيوبة لأبعد حد ، وتعشق منى يمكن كثر ما تعشق أولادها أو أكثر .
ريم : أخت عبد الله درست الموسيقى في لبنان ، أخذت من أخوها الإبتسامة الساحرة ، والعيون الخضر ، وأخذت من أمها الطيبة والإحترام .
غلا : بنت خالة عبد الله وأخته من الرضاعة .
ناصر : عم عبد الله وهو رجل متحرر لأبعد حدّ .
نهى : زوجته ..امرأة مغرورة وتحب التسلط وهي أمريكية الأصل .
سمر : بنتهم الدلوعة التي لا ترد طلباتها مهما كانت درست في جامعة أمريكا قسم إدارة أعمال ، على أمل إن عبد الله يحتاجها في شغله – مع إنه مستحيل – أخذت من أمها الغرور الزائد .
نورة : امرأة نادرة الوجود أرملة ، ليس لديها أولاد ، راضية بما قسمه الله لها ، طبيبة نفسية ، وهي عمة عبد الله وأمه الثانية ودفتر أسراره هو وعبد العزيز .
عبد العزيز : ولد عم عبد الله – تركي- المتوفى ربته عمته نورة وخالته هند وهو أخو عبد الله من الرضاعة ، تحبه العيلة بأكملها لأدبه وأحترامه وذوقه الرفيع والرائع .. درس في إسبانية لأن أمه أسبانية ، وبعد وفاة أمه رجع إلى أهله وأستقر في بلده للأبد وهو طبيب ، يشتغل هو وعادل في نفس المستشفى .
في بيت أبو عبد الله الكل كان متجمع في الصالة ينتظرون حبيبهم عبد الله اللي له ساعة وإلى الآن ماجاء ، دخل البيت قاموا الكل يسلمون عليه ويتحمدون له بالسلامة .. طبعا الحبيبة سمر ماصدقت خبر يوم شافته بغت تموّت عمرها فقامت وارتمت في حضنه ولا كأن فيه شيء صاير ، حاول أنه يبعد عنها بس ماحس بروحه إلا ورأسه يلف فيه من الدوخة .. حس فيه عبد العزيز واستئذنوا وراحوا لغرفة عبد الله في الغرفة طاح عبد الله بس عبد العزيز ساعدة ووداه للسرير .. عبد الله وهو يناظر في بلوزته وينفضها : أنا ما أدري وش هالوقاحة هذه ، هذي ماعندها دم أبد . عبد العزيز وهو يضحك : ياسيدي تحمل شوية ، بصراحة البنت ميته فيك المسكينة .. بس قلي وش رايك في الحركة اللي سوتها أكيد عجبتك صح....
عبد الله يقاطعه : تصدق كان نفسي أعطيها كف على وجهها ، عشان تحترم عمرها مرة ثانية . عبد العزيز بدعابة : لا تخاف الحبيبة منى ماراح تعرف شيء .
عبد الله : أرجوك ، لا عاد أحد يجيبلي هالموضوع ممكن ، ولا تسألني ليش ، لأني ماراح أرد عليك . أحترم عبد العزيز رغبة عبد الله ولأنه متأكد أن مصيره يقوله الموضوع كامل .
طبعا بعد نصف ساعة دخلت عليه أمه وعمته نورة الغرفة ، كان مسرّح وفي عالم ثاني وما طلعه من حالة السرحان إلا صوت عمته نورة وهي تقوله : اللي ما خذ عقلك يتهنابه ..
عبد الله وهو يحاول يتعدل في جلسته : معقوله أفكر بأحد ونورة جنبي . نورة : لا إذا كذا سامحتك ، يلا قوم عشان أنا وأمك جبنالك الغداء في الغرفة ،، من قدك ؟
عبد الله يمسك يد أمه ويبوسها : الله لايحرمني منك يا أغلى أم في الكون كله ، ولا منك يا أحلى عمة . هند +نورة : ههههههه هيا قوم وخلص هالأكل كامل ولا تبقي شيء .
عبد الله : حاضر من عيوني ، بأحاول أخلصه كامل ، وأكل الأطباق بعد عشان تتطمنون .
نورة + هند : هههههه ، الله لا يحرمنا منك ياولدي ، ويفرحنا فيك أنت وأخوانك . خرجت هند ولحقتها نورة .. عبد الله ماصدق خبر إنه يكون لأن الدوخة اللي معاه بتذبحه ، وحاس أن كل جسمه متكسر من التعب والجلوس الزائد ، حاول أنه يأكل ،، لكن طيف أميرته مازال معلق في قلبه وباله وخاصة لما قالت له – حبيبي- بس حاول أنه يبعد طيفها عشان تعيش بسلام ولا تتأذى .

تتوقعون منى تذهب لعبد الله وتزوره واللا لا ، وكيف حيكون أستقباله لها ، ومن هو الشخص اللي راح يقوله عبد الله على سبب رفضه لزيارات منى ، كل هذا وأكثر في الفصول القادمة ..


[/center]
[/center]

بانتظااااااااااااااار البارتاااااات الجاية


شكلهاااا فيها احدااااث مرة حلوة

تحياتي لك

بعد تقريبا أسبوع من الحادثة اللي صارت بين أحمد ومنى بسبب رفض عبد الله لزياراتها ، ققررت أنها تزوره و تعرف الموضوع منه ، استقبلتها هند والدة عبد الله بكل حب واحترام ، منى ماصدقت خبر فأرتمت في أحضانها وكالمعتاد أنهمرت الدموع كالشلال .
هند : حيا الله حبيبتي ، تفضلي والله لك وحشة لنا اسبوع كامل ما شفناك ولا حتى سمعنا صوتك ، وش السالفة .
نورة وهي تقاطع هند : طبعا مافيه أحد قدها ، خليها تتغلى على راحتها . منى بعد ماسلمت عليها : وش دعوة عاد ، العين ماتعلى على الحاجب . نورة : أحيانا تعلى وماعاد تشوف قدامها أحد . منى بدعابة : الظاهر أن مزاجك تمام اليوم ؟
نورة : الحمد لله ، ما دام نظر عيني وروح قلبي خرج من المستشفى بالسلامة فمزاجي عال العال . تذكرت منى الصفعة اللي صفعها إياها عبد الله ومع ذلك حاولت أنها تتماسك عشان تعرف الموضوع كامل .
نورة : اللي ما خذ عقلك يتهنابه يامنى . منى وهي تضحك : سلامتك ، خالة نورة ممكن لو سمحتي أتكلم مع عبد الله ؟ نورة ولأنها عارفة غلاة منى عند عبد الله : من عيوني الثنتين ، أنت ماطلبتي شيء . منى : مشكورة ياخالة .
استأذنت نورة وصعدت لغرفة عبد الله عشان تقوله أن منى بتشوفه . نورة : ممكن أدخل ؟ عبد الله : طبعا ممكن ، لاحظت نورة الدموع اللي يحاول عبد الله إنه يخفيها ، لكن ماحبت تناقشه في الموضوع .
نورة : حبيبي .. فيه ضيفة تحت مصرة أنها تشوفك . عبد الله باستغراب : ضيفة ، من هي ياعمة ؟ نورة : أنا ماراح أتكلم ، يلا قوم لأنه من العيب نخليها تنتظر أكثر من كذا . عبد الله وفي داخله يدعي أن هالضيفة تكون منى : طيب .
نورة : يلا بسرعة . عبد الله : خلاص دقائق أغير ملابسي ونازل .
في الناحية الثانية كل البنات كانوا حول منى وسوالف وضحك ، لكن مع ذلك كانت جدا متوترة لدرجة لاتوصف مع أنها دائما تزور عبد الله في البيت لكن هالمرة ماكانت عارفة وش سبب هالتوتر . نورة : كيف شغلك يامنى ؟ منى : الحمد لله ، ارضاء الزبائن امر في غاية الصعوبة بس بنحاول . نورة : الله يوفقكم إن شاء الله .
عبد الله يقاطعهم : السلام عليكم – وكان لابس بنطلون جنز وبلوزة بيضاء –
منى + نورة + البنات : وعليكم السلام . منى وهي تحاول تخفي توترها : الحمد لله على السلامة . عبد الله : الله يسلمك . منى : معليش زيارتي جات متأخرة ، بس أنت عارف ظروف الشغل . عبد الله : خير يا أستاذة منى عمتي قالت انك تبيني ، آمري ؟ منى باستغراب شديد : أستاذة ، خير ياعبد الله وش السالفة ، وبعدين أنت عارف أني ما أحب أحد يناديني بهذا اللقب .. نورة وهي تحاول تلطف الجو : ياستي ماعاد أحد يرفض الألقاب هاليومين ، حتى شغالتي لازم قبل ما أناديها يكون فيه لقب . ابتسمت منى غصبا عليها وواضح أن دموعها على الحافة ، استئذنت نورة وخرجت عشان يتكلمون براحتهم .
عبد الله وبعد صمت دام لأكثر من عشر دقائق : منى .. أعتقد أن أحمد وصل لك اللي ما قدرت أوصله لك ؟ منى وهي ماسكة دمعتها : أكيد ، أنت عارف أن الشباب ما يخبوني عني أي شيء ، بس أنا حابة أعرف ، ليش ؟
عبد الله : لو سمحتي السبب أحتفظ فيه لنفسي ، والآن على أذنك أنا تعبان وأبغى أرتاح .. مع السلامة ... تركها عبد الله وصعد لغرفته ، قفل على نفسه الباب وتوجه للشباك يمكن يقدر يريّح عيناه من الدموع بشوفتها .. نورة وهي ترفع رأس منى : خير حبيبتي وش فيك ؟
منى تركتها ولا ردت عليها وخرجت من بيت ابو عبد الله وهي واعدة نفسها إن هالزيارة مارح تتكرر وأنها حتكون الأولى والأخيرة .
في بيت أبو عادل كان احمد والأخ عادل وراهم طلعة لكن أبو عادل أصر عليهم يجلسون معه إلين ماترجع منى من مشوارها اللي ما أحد عارفه .. فوافقوا الشباب غصبا عليهم ..أما منى وهي نازلة من السيارة في حديقة بيتهم أغمي عليها وطاحت على الأرض شالها العم يزيد وهو – زوج الدادة سميرة – وسائقها الخصوصي ودخلها على البيت سمع أحمد صوت العم يزيد وهو يصيح ويناديهم يفتحوا له الباب قام عادل وأحمد وشالوها ودخلوها غرفتها .. كشف عليها عادل وقاس لها الضغط كان مرة نازل ، مرت ساعة ونصف وهي إلى الآن ما قامت .
أبو عادل : عادل .. اختك إلى الآن ماقامت ؟ عادل : لا تخاف صدقني مافيها شيء بس شوية هبوط في الضغط ، وعلى العموم أنا دقيت على المستشفى عشان يرسلون طبيبة من المختبر تسحب لها التحاليل .. وبالفعل ماكمل عادل كلامه إلاّ والدكتورة مرح جايه وجايبة معاها ممرضة من المختبر عشان تسحب التحاليل .. دخلت مرح الغرفة نادت على منى حست انها فاقت . مرح : الحمد لله على سلامتك يامنى ، كيفك اللحين ؟
منى : الحمد لله ، الله يسلمك . مرح : طيب ممكن تعطيني يدك عشان اسحب لك شوية تحاليل. منى ك تحاليل شو ، أنا مافيني شيء ، كل مافي الموضوع دوخة بسيطة . مرح ك منى . أنت عارفة أن الشيء الكبير دائما يبدأ صغير .
منى : مرح ، صدقيني انا مافيني أي شيء . مرح ك على راحتك حبيبتي ، بس كنت حابة أتطمن عليك .
-مرح- هي صديقة منى وبنت جارتهم ويعتبرها أبو عادل مثل بنته .
خرجت مرح ، الوالد : ها طمنيني منى قامت ؟ مرح : إيه ياعم قامت ، وهي رافضة تسحب التحليل ، لكن على العموم هي طيبة ما فيها أي شيء . تطمنوا .
الوالد باستغراب : ليش رافضة ؟ مرح : والله ياعم ما أعرف لكن إذا وافقت أنا أنتظرها بكرة ، مع السلامة . الجميع ك مع السلامة .
دخلوا عليها الغرفة وجدوها نايمة على السرير وسرحانة في عالم آخر ودموعها هي سيدة الموقف . أبو عادل وهو يمسح على راسها : أش فيك يامنى طلعت وما فيك شيء ورجعت ويزيد هو اللي شايلك ، وش اللي صار ؟ منى : مافيني شيء يابابا ، بس حاسة أني تعبانة وأبغى أرتاح .
طلع الوالد وطلع معاه احمد وعادل لكنهم مش مرتاحين حاسين ان فيه شيء منى مخبيته عليهم .ن ذهب الوالد لحجرته ليرتاح ، اما عادل واحمد فدقوا على الشباب وأعتذروا عن الطلعة . احمد : يالله ياعادل أنا راجع على البيت ، وإذا أحتجتم شيء دق عليّ . عادل : الله معاك ، وأسفين على تعبك اليوم . أحمد : مع السلامة ، وبدون فلسفة زايدة ، مثل ماهي أختك هي أختي بعد .
ركب أحمد سيارته ويتذكر عبد الله دق على جواله فرد عليه عبد العزيز .
أحمد : السلام عليكم . عبد العزيز : وعليكم السلام ، حيا الله أحمد ، كيفك وكيف الوالدة ؟ أحمد : الله يحييك ، الحمد لله كلنا بخير ، كيف عبد الله ؟
عبد العزيز : والله ما ادري وش أقولك ، من الظهر وهو مش راضي يأكل شيء حتى الدواء رافض يتناوله . أحمد : ليش وش اللي صاير ليكون تعبان ؟ عبد العزيز : والله ما أدري ، المشكله مو راضي يتكلم .. أحمد تكفى إذا ممكن وفاضي ممكن تجي تشوفه ، يمكن تقدر تخليه يتكلم .
أحمد : حاضر من عيوني الثنتين دقائق وأكون عندكم بإذن الله . عبد العزيز : الله يحييك ، البيت بيتك .
على الساعة – 11 ونصف – مساءا ، وصل أحمد عند عبد الله .. استقبله عبد العزيز وعلى طول صعد لغرفة عبد الله – لأنه وعلى رأي عبد العزيز واحد من أهل البيت – أحمد وهو يدق الباب : ممكن أدخل ؟ عبد الله وهو يحاول يمسح دموعه : تفضل يا أحمد . أحمد : كل هذا تغلي على أخوك واللا وش السالفة ؟
عبد الله : لا أبد سلامتك ، بس أنت عارف الدوخة ذابحتني . أحمد : أنا أعرف أن الأوادم إذا فيهم شيء يوجعهم يتناولون الدواء في وقته ، صح واللا أنا غلطان يالحبيب . عبد الله : احمد .. أنت شفت منى اليوم ؟ أحمد بإستغراب : وش جاب طاري منونة ، اللحين أنا جالس أتكلم عن الدواء اللي ما أخذته اليوم وأنت تسألني عن منى . عبد الله بإلحاح : الله يخليك يا أحمد ، رد على سؤالي ، أنت شفتها واللا لا ؟ أحمد بإرتباك ويلف وجهه للناحية الثانية : طبعا شفتها ، والحمد لله هي زينة . عبد الله يمسك ذقن أحمد ويلفه له : أنت متأكد ؟ احمد : مممم بصراحة منى طاحت وهي ....
عبد الله يقاطعة : طاحت ، صار فيها شيء تكلم وش فيها ؟ أحمد : طيب ممكن تهدأ عشان اعرف اتكلم ، بعد المغرب كانت خارجة ويوم ما رجعت على البيت وهي نازلة من السيارة طاحت وأغمي عليها ، بس الحمد لله ، اللحين هي أحسن بإستثناء دموعها اللي ما ني عارف وش سببها .. عبد الله وهو يحاول يوقف من على السرير : آه آه آه .. أنا السبب ، أنا السبب كانت جاية على شاني ، أنا اللي سويت فيها كذا .. أنا . أحمد : عبد الله وش السالفة ، هي منى كانت عندك ؟ عبد الله وهو يصيح كأنه طفل : إيه ، كانت جاية عشان تعرف ليش رافض زياراتها ، بس انا ماعطيتها رد وطلعت وهي زعلانة .. أحمد تكفى قل الحق هي من جد زينة واللا جالس تقولي كذا عشان تهديني ؟ أحمد وكأنه متجاهل سؤال وتوسل عبد الله : يالله ياعبد الله ، للدرجة هذه طاوعك قلبك وزعلّت منى ، للدرجة هذه زعلها عندك مايسوى شيء ، للدرجة هذه دموعها وطيحتها ما تهمك وانت اللي عمرك ما حبيت غيرها ، إذا كنت أنت المحبّ وسويت فيها كذا أجل وش خليت للباقين ، رد.. واللا معاك حق وش راح تقول ... بس الظاهر انك صاير اناني وبقوة بعد يا أستاذ عبد الله ..
عبد الله وهو يبكي : أحمد انت وش جالس تقول منى هذه هي حبيبتي وعشيقتي ودنيتي كلها ، أحمد انا كنت مستعد أني أفقد عمري بس ما أشوف ألمها ودمعتها على خدها .. احمد منى الهواء اللي باتنفسه وشوفتها هي الماء اللي أشربه .. أنا مستعد أن أشري لحظات سعادة وفرح وابتسامة منى حتى لو شو ما كلفت ، وأنت أكثر واحد يا احمد عارف هالشيء ..
احمد : إيه ، للأسف اني انا اللي كنت عارف . عبد الله : ارجوك يا أحمد انا مستعد أخسر روحي ولا إن منى تتألم بسببي أو أني اكون أنا سبب نزول دمعتها ، أحمد يمكن أنت ما تعرف أن الحادث اللي صارلي عشان منى .. ذاك اليوم وانا خارج من الشركة كلمني واحد على جوالي وأنا سائق تدري يا احمد وش قالي : قالي .. اني إذا ما ابتعدت عنها أو لو عاد شافني معها راح يقتلها .. راح يقتلها ياأحمد و المصيبة العظمى انه نفس الشخص اللي قلت لك انه جالس يراقب منى.. عرفت يا أحمد أنا ليش سويت كذا .. عرفت إن هالموضوع خبيته حتى على أقرب الناس لي – عمتي نورة وعبد العزيز - .. عرفت أني كنت مستعد أني أموت نفسي لكن مايصير فيها شيء .. فهمت انا ليش عملت كذا واللا بعد يا أحمد ، اعتقد اني ما كنت اناني ، وإن الكلام اللي قلته ماله داعي من أساسه .. لأني فعلا عاشق منى وهيمان فيها بعد لكن بالرغم من كذا فانا ماراح اقدر أتحمل غيابها عن الدنيا يا أحمد .. أتمنى انك تكون فهمت وقدرت موقفي يا صاحبي .. احمد وكل علامات الدهشة على مُحياه وكأن احد كب عليه ماء بارد : عبد الله أنا آسف ، صدقني ... عبد الله يقاطعه ويستأذن للخروج من الغرفة لنه ما عاد طايق يتحمل جلوسه فيها ، لكن يوم وصل لحد الباب طاح على الأرض .. ساعده أحمد وطلعه على السرير ونادى على عبد العزيز عشان يشوفه .. لكن يد عبد الله كانت شاده على يد أحمد .. أحمد والله العظيم انا ماكان قصدي أني أزعلها وأكدر خاطرها . أحمد : عبد الله .. انا اللي المفروض أعتذر ، حقك عليّ يا أخوي ، لكن أنت عارف غلاة منى عندي .. وعلى العموم ماصار الا الخير .
عبد العزيز وهو داخل لغرفة عبد الله ونفسه مقطوع : خير يا احمد قالت لي الشغالة انك تبيني ، خير ؟ أحمد وهو يناظر عبد الله بنص عين : سلامتك ، بصراحة نفسي في أكل وقهوة أو عصير ، لأني جلست أنتظر لكن ما فيه أحد سألني شو أشرب ، وكل هذا لأن صاحبي مريض ، لو كان صاحي كان أكيد سألني .
عبد العزيز : والله ما عندك سالفة كنت راح اتكسر وأنا أجري في الدرج على بالي فيكم شيء وفي النهاية السالفة سالفة جوعك ..
أحمد + عبد الله : ههههههههه ، عبد الله : خلاص يابن الحلال روح المطبخ وخليهم يحضرون له أكل ، لأني خايف بعد شوية يأكلني أنا وأنت . أحمد : ولا تنسى ترى عبد الله بيأكل معي يعني حطوا حسابه . عبد العزيز : حاضر من عيوني.
عبد الله وهو مسرح ويناظر في جواله : تصدق يا أحمد قبل ثلاثة اسابيع ويوم كنت في المستشفى منى ما تنام إلا لمن تطمن عليّ ، بس الظاهر أنه لازم اتعود على فراقها عشان حياتها . أحمد وهو يقرب الأكل لعبد الله : خلاص يا عبد الله تعوذ من أبليس وأكل عشان تقدر تدافع عن حبك واللا منى ما عادت تهمك ؟
عبد الله : آه .. يا أحمد لو تدري باللي في داخلي ماكان قلت هالكلام . أحمد : طيب ، يالله خلص الأكل كامل ، وأنا بأرجع على البيت لأن أمي حرقت جوالي من كثر ما تدق عليّ . عبد الله : أحمد ، أنا ما أبغى منى تعرف أي شيء .
أحمد : من عيوني .. بس أنت راح تقدر تنام وهي زعلانة منك ؟ عبد الله : الله يعين .. بأحاول . أحمد : أممممم وش رايك تكلمها ؟ عبد الله : أكلمها ، وش تبيني أقول لها إن شاء الله ، الظاهر يا أحمد ما تعرف منى وكيف تكون نفسيتها إذا زعلت من أحد . أحمد : لا ياسيدي أعرف أمممم كلمها وسلم عليها وأعتذر منها ، وقل لها إنك ماعاد تبيّ تشتغل معها في الشركة . عبد الله : طيب ، خلاص ، الآن بأدق ، والله يستر .
أحمد : ok، يالله مع السلامة ولا تنسى الدواء . وأشكر لي خالتي هند وخالتي نورة على الأكل . عبد الله : بالعافية يوصل إن شاء الله .


ماهي الأحداث الجديدة في حياة منى وعبد الله ، وكيف راح تقابل منى عبد الله في المكتب ، ومن هو رامي وما علاقته بمنى ... كل هذا وأكثر من المواقف الطريفة والمحزنة والمشوقة تنتظركم في الفصول القادمة بإذن الله .
[/center]
[/center]

يعطيك العافية

يعطيك العافية على

اقتباس :

في صباح اليوم الثاني في المزرعة الكل كان موجود أما منى فيوم ما نزلت من الدرج إلا وهي تصارخ باعلى صوتها لاااااااااااا ، مستحيل أصدق ، متى جيت وليش ما قلت لي ؟ وترتمي في حضن عمها نواااف. – إليكم بعض المعلومات عن نواف – ( عم منى عمره 27سنة ، يعني أكبر منها بثلاث سنوات ، كان مسافر لفرنسا عشان يكمل دراسته بالهندسة ، شخص مرح جدا وجذاب يمكن نصف ملامحه هي نفس ملامح منى ، منى طبعا تموت فيه وهو بعد يموت فيها اثنينهم دفاتر أسرار لبعض ، يعشق الفروسية ويحب الرسم لأن منى تحبه .
طبعا نواف كان جالس في الحديقة يوم طبت عليه منى ، لدرجة ان ارتفاع صوتها بشوفته خلت الرجال يخرجون من بيت الشعر الموجود بالمزرعة عشان يشوفون وش اللي صاير . عادل : أقول ارتاحوا .. هذي منى تصيح لأن حبيب قلبها وصل بالسلامة . وبالفعل طلع الصياح كله عشان رجعة نواف من فرنسا . منى : يالله ياعم قد ايش لك وحشة . نواف : وأنت أكثر يالغالية بس ممكن تمسحين دموعك . منى وهي تمسح دموعها : حاضر ، بس انت متى جيت ، وليش ما عطيتني خبر ؟ نواف : بصراحة اليوم على الساعة - 4- الفجر ، لأني أمس كلمت عادل وقالي أنك تعبانة فماقدرت أجلس وروحي تعبانة وأنا بعيد عنها . منى وهي ترتمي في حضنه : الله يخليك لي ولا يحرمني منك يا أحلى نواف في الكون كله . نواف : هههههههههه أما في الكون كله فكبيرة .. بس ولا يهمك آآآآآآآآآآآآآآآآمييييييييييين .
نواف + منى : هههههههههههههههههههههههههه . عادل : أحم أحم أعتقد يامهندس نواف أني أنا بعد ولد أخوك .. يعني لي الحق أزعل منك واللا الدلع كله لحبيبة القلب . نواف : أبد يانواف مستحيل تبطل هالشقاوة ، وبعدين أنت قلتها حبيبة قلبي يعني أنت مالك شغل . منى : معاك حق يانواف . عادل : طبعا مو هو حبيب القلب وأنا أخبط برأسي في أكبر جدار .. عااااااادي ، على أذنكم ( يسوي نفسه زعلان ) . نواف وهو يضحك : الله معاك .. بس تكفى بالشويش على الأرض ، لأني أحسها تشتكي منك وأنت زعلان . منى + نواف : هههههههههههههههههههه، وطول اليوم سوالف وضحك مو عادي .
وكا لمعتاد عمل أبو عبد الله عزيمة وعشاء كبير بمناسبة رجوع نواف بالسلامة ( لأنه تقريبا صديق لأولاده وهو يعتبره مثل أخوه الأصغر ، يعني بالعربي الكل يموت فيه مش بس منى ، أما منى فمراح اقدر أوصف لكم شعورها لأنها كانت طايرة من الوناسة والسعادة اللي هي فيها ، لدرجة أنها قامت تغني وتكتب قصايد وأشعار في نواف ( من الظاهر ، أما من الباطن فكل ما تكتبه هو للحبيب عبد الله ) اما البنات فاخذوها ضحك وتريقة ، منى : والله الشرهه مو عليكم إلا على اللي يجلس معكم . نورة : من اللي مزعل نظر عيني منى ،، مين بس ؟
غلا : مافيه أحد مزعلها ياعمة بس تتغلى علينا . ريم :وتصدقين يامنى اللي يشوفك اليوم ما يصدق اللي صار لك أمس – ما شاء الله – لو ندري أن رجعة نواف بتقومك كان من زمان جبناه . منى مسرحة وفي عالم آخر . سارة : ياعيني ، عقبال ما يكون عندي حبيب أتعب عشانه وأقوم عشانه آآآآآآآآآآآآآآآآآآآآآآآآآآآآآه. ريم + غلا وتشاركهم سارة على النهاية : آآآآآآآآآآآآآآآآآآآآآآآآآآآآآآآآآآآآآآآآآميييييييي يييييييييييين . منى فقد أخذت دفتر ملاحظاتها ونزلت للحديقة وتكتب أشعار :
أبيع ما يغلى على الكون واشريك وسوق لجتني علومك بشاير
أزعّل جميع الناس بالحيل وآراضيك واصبر ولو دارت عليّ الدواير
وأخذ من أيامي لك أيام واعطيك وإن راح عمري لك فلا هو خساير .
أحمد اللي كان واقف وسامعها : صح لسانك ياشاعرتنا . منى : تسلم ياقلبي .
عبد الله واقف مع أحمد لكن ماقال ولا كلمة .. لأن الحبيبة منى تسوي روحها ما شافته ( مع العلم أنه أول شخص تحس بجيته ) . أحمد : اللا ما قلتيلي من هالغالي اللي تعطينه روحك يالغالية ويغمز لعبد الله . منى وهي توقف وترتمي في حضن نواف : طبعا حبيبي ونظر عيني نواف ( كذابة ) . نواف وهو يضحك على حركة منى : يبوسها على رأسها تسلمين يا أروع منى في الوجود ، يالله وش رايك نطلع نتمشى ، لأني مشتاق لبلدي بشكل موطبيعي ودي أشوفها وأريّح عينيّ . منى : ok.. ما فيه أي مشكله . أحمد وعادل وعبد العزيز وخالد أول ما سمعوا كلمة طلعة قاموا يتميلحون : عموووووووو نواف ، وش رايك تاخذنا معك .؟ نواف + منى : ههههههههههههه حلوة عمو نواف بس رجاءا لا تعيدونها لأنه مابيني وبينكم إلا كم سنة يعني حرام تكبروني وأنا لسع بعز شبابي . بس برضوه للأسف انا ونظر عيني بنخرج نتمشى أنتم وش دخلكم ؟ عبد الله اللي بينفجر من حركات منى استأذن وبغى يمشي لكن نواف مسكه وقاله : يالله ياعبد الله خذ سيارتك ووديني انا ومنونة وش رايك ؟ عبد الله اللي يناظر في منى اللي تطالع في الأرض : ولا يهمك يانواف فداك مئة سيارة ، بس أنا تعبان وما راح أقدر اروح أعذرني . نواف ماحبّ اللي ما حبّ يحرجه : على راحتك .. بس كنت حاب تطلع معنا ، أما السيارة فراح أخذ سيارة عدول . عادل والشباب يسوون عمرهم زعلانين ومتأثؤين جدا : إحنا بعد ورانا مشوار بس خذ سيارة عبد الله أحسن . المهم في النهاية أخذوا سيارة عبد الله الهمر وطلعوا ، وطول الطريق ضحك وسوالف ومزح يعني فالينها بالحيل ووقفوا على البحر . نواف : منى . منى : نعم . نواف : وش فيك حاس أن فيك شيء ؟ منى وهي تحاول تخفي دموعها : سلامتك يانواف بس أنا تعبانة وابغى أرجع على المزرعة . نواف : على راحتك راح نرجع ، بس ابيك تقوليلي وش اللي صاير ، أتفقنا . منى تهز رأسها بالإيجاب ، حرّك نواف السيارة أما منى فرجّعت مرتبة الراكب على وراء ودموعها كانها شلال وحكت لعمها كل شيء بداءا بالشخص اللي كلمها ونهاية بالستة ملايين ريال اللي دفعهم عبد الله .. نواف : عشان كذا ما خذه موقف من عبد الله ؟ منى : لا يانواف بس اللي سواه معي في المرسم أنا ما أرضاه . نواف وبعد تردد : اممممممم منى فيه شيء عادل مخبيه عليك كان بيقوله لك قبل امس اول ما وصلتم المزرعة لكن طيحتك هي اللي أجّلت الموضوع . منى متفاجأه : وش صاير يانواف ، وش اللي مخبيه عليّ عادل ؟ نواف يوقف السيارة على جنب بصراحة : عبد الله خطبك من أبوك .. وعادل وأبوك وافقوا يعني مو ناقص الا رأيك أنت . منى وعلامات الدهشة على مُحياها : نوااااف انت وش قاعد تقول عبد الله خطبني وأبوي وأخوي وافقوا .. أجل وش اللي خلوه لي عشان أفكر فيه وتصيح .. نواف أنا مستحيل أتزوج عبد الله لو تنطبق السماء على الأرض أنا ماراح أخذه أنتم فاهمين واللا لا ؟ نواف وهو يهدي فيها : خلاص يامنى .. اللي تبغينه هو يصير بس أهدئ شوي لا تخليني أندم أني قلتلك الموضوع . منى تأخذ المناديل وتمسح دموعها : حاضر ياعم سامحني لأني رفعت صوتي عليك . نواف : لو بغيتي أضربيني .. بس المهم تهدين شوي . منى : ما عاش ياعم . حاضر .
صح أن كل الشباب يعرفون غلاة عبد الله بالنسبة لمنى لكن نواف هو الشخص الوحيد اللي عارف أن منى ميته في عبد الله وتعشقه عشق مو طبيعي وفي نفس الوقت مستغرب من تصرفاتها مهاه .. بس حاول أنه يخفي ها لإستغراب لأنه متأكد إن منى راح تقوله على كل شيء . رجع نواف ومنى للمزرعة الكل كان موجود الحريم والرجال في بيت الشعر ، والشباب صياح على الكورة وكأنهم بزران والبنات في الحديقة الخلفية ضحك وسوالف ، أما عبد الله فكان جالس في المرسم . منى + نواف : السلام عليكم . أبو عبد الله والشلة : وعليكم السلام ، حيا الله الشباب . نواف : الله يحييك إلا وين الشباب ؟ أبو عبد الله : تلاقيهم يلعبون كورة . خرج نواف ومنى من بيت الشعر واتجهوا للشباب وهم يلعبون كورة ومسوين فريقين ، فريق عادل وخالد ، والفريق الثاني عبد العزيز وأحمد . بصراحة ما اقولكم اشكالهم كانت تموت من الضحك ، نواف : شباب وين عبد الله ؟ عبد العزيز : اكيد يا في المرسم او عند المسبح . نواف : على اذنكم باروح أشوفه ، هيا يامنى وش رايك تجين معي . منى : لا ، أنا تعبانة وأبغى أرتاح .. نواف : طيب على راحتك ، بس كنت حاب أشوف اللوحات اللي سويتيها . منى : خليها لبكرة ، على أذنك ، ولأنه عارف حب ها لإثنين لبعض ما علق وخلاها على راحتها ...

الفصل التاسع

عبد الله كان جالس في زاوية من زوايا المرسم وحاط رأسه على رجوله ودموعه هي سيدة الموقف ، دخل نواف وشافه فما حبّ أنه يضايقه فجلس عشر دقائق . نواف : تسمح تعطيني من وقتك ربع ساعه نتكلم فيها ؟ عبد الله وهو يمسح دموعه : اكيد يانواف .. تفضل يانواف . نواف : فيه شيء حاب أنك تقوله لي ؟ عبد الله : أبد سلامتك ، بس أنت عارف الشغل وظروفه هذا كل الموضوع . نواف : والدموع والسرحان اللي قبل شوي ، برضوه دموع وسرحان الشغل . عبد الله وهو يلف وجهه لناحية الشباك : الله يخليك أنا ما أبي أتكلم في أي شيء ، إلا ما قلت لي وش ناوي تسوي لقيت شغل واللا باقي ؟ نواف فهم أن عبد الله ما يبي يتكلم عن منى عشان كذا ما حبّ يحرجه ، لكن ما خلاه بروحه في المرسم .. إلا خرّجه معاه وراحوا للشباب . احمد : نوااااااااااف وين منونة ؟ نواف : طلعت ترتاح ، ليش ؟ أحمد : بصراحة نبغى نعمل فريقين كورة .. فريق للبنات وفريق للشباب .. وش رايكم ؟ الكل وافق ما عدا نواف ، الشباب : ليش رافض ؟ ترى كل الموضوع كورة ؟ مو حرب . نواف : بصراحة أنا خايف على منى . الشباب : ههههههههههههههههههههههههههههههههه ، خايف عليها من شو بالضبط ؟ نواف : خايف يصير فيها شيء . أحمد وبعد ما هدأ من الضحك : لا لاتخاف .. ترى أنا بعد ما أرضى عليها ، ويغمز لعبد الله . نواف وبعد تفكير : طيب ، موافق ن بس والله لو صار فيها شيء ياويلكم ، عبد الله أطلع نادها هي والبنات . عبد الله : طيب .
البنات كانوا لسع في الحديقة ، أما منى فكانت بروحها في جناح البنات وتبكي .. ولأن الباب ما كان مقفول سمع عبد الله صياحها وبكاها .. كانت جالسة على الأرض وحاطة رأسها على رجولها وجنبها صورة لعبد الله . شعرها كان مفتوح . عبد الله اللي لاحظ الصور بس ما علق عليها : منى ، أيش فيك .. رأسك بيوجعك ؟ منى وهي توقف وتلف وجهها للناحية الثانية : ما فيني شيء بس متضايقة شوي ؟ قام عبد الله وجاب لها كأس ماء .. وجلس يتأملها .ز فعلا كأنها طفلة كانت لا بسة بنطلون جينز كحلي وبلوزة سوداء ولنها بيضاء فالألوان الغامقة عليها جنان . عبد الله يوم كان طالع : منى . منى : نعم . عبد الله : إذا كانت هذي الدموع عشان اللي سويته فيك فأنا أعتذر ، أما إذا كان على شيء ثاني ...
منى تقاطعه : ومن قالك .. أن دموعي عشانك .. عبد الله الظاهر أنك ما خذ مقلب كبير في نفسك .. وبعدين مو منى بنت خالد اللي تبكي عشان شخص ما يهمها في أيّ شيء غير أنه مثل الضيف اللي راح يمشي بعد كم ساعة .. أنت أكيد فاهم ، والآن أنا تعبانة وأبغى أرتاح ممكن واللا أخرج واسيبلك الجناح بكبره . عبد الله كان نفسه يعطيها كف لكن هالمرة مسك نفسه .. طيب ما دام اني انا مثل الضيف وهم على قلبك راح أخرج بس كنت بأقولك أن نواف ينتظرك تحت . منى وقفت وكانت راح تطيح لكن عبد الله مسكها .. منى تسحب يدها من يد عبد الله وتنزل لنواف . نواف : هلا وغلا .. حيا الله حياتي ليش تأخرتي ؟ منى : أبد .ز خير وش عندكم متجمعين ؟ أحمد : بصراحة بنلعب كورة ونبغى نعمل فريقين فريق للبنات وفريق للشباب .. وش رايك يازينة البنات ؟ منى وهي تضحك على أحمد وحركاته : طيب بألعب . أحمد وهو يرسل لها بوسة في الهواء : الله يخليك لي يا أحلى منون في الكون كله . نواف : خلاص انا بألعب مع فريق منونة . احمد وهو ميت قهر : يااخيييييييييييييييييي ، قلنا فريق بنات فقط ن وفريق شباب فقط فهمت واللا لا ؟ نواف وهو حاضن منى وميت ضحك على احمد : أنا قلتلكم ما راح ألعب إلا مع منى . أحمد : حسبي الله على شيطانك يامنى .. وش سويتي في عمك . نواف وهو يناظر منى ويضحك : مو شغلك . يالله نبدأ اللعب .
طبعا فريق الشباب مكون من عبد الله + أحمد + عادل + خالد + عبد العزيز .
اما فريق البنات ( خليطي ) مكون من : منى + ريم + غلا+ سمر + سارة + نواف ( عشان ريم الحبيبة ) ، قام الفريقان ولعب وصياح البنات يسمعونه على بعد ألف كيلو متر ، والطيحات والتكسير .. المهم النتيجة النهائية كانت فوز الشباب بعشرين هدف مقابل هدفين للبنات فقط ( الحمد لله ماراح تعبهم على الفاضي ) ، على الساعة 12 ونصف خلصت المباراة والكل أتجه إلى مكان نومه إلا منى وعبد الله اللي جفاهم النوم ولسع صاحين ، أذن الفجر وصلوا وكانوا مقررين الرجوع للمنازل لكن بعد مشاورات قرروا أنهم يبقون كم من يوم لأن الوقت وقت اجازة .. بعد ما صلت الفجر ارتاحت شوية والساعة السابعة طلعت من جناح البنات وكانت متجهه لجناح الشباب لكن سمر كانت واقفة وكأنها تنتظر أحد .
سمر : على فكرة المكان اللي بتروحينه مكان شباب يعني ماله داعي تروحين وهذا رأيي الخاص . منى على الرغم من معرفتها بوقاحة سمر لكن ماكانت متوقعة الأسلوب هذا : والله أنا رايحة أشوف عمي أما بالنسبة للشباب اللي تتكلمين عليهم فهم أخواني ، يعني لا تخافين عليّ . سمر : بس عبد الله هو الحبيب .. صح واللا لا ؟ منى وهي ماسكة عمرها لاتمد يدها عليها : إذا كنت تبينه فشيليه ، لأنه ما يهمني في شيء وجوده في حياتي مثل عدمه .. تقريبا مثل وجودك أنت . سمر : بس سمعت أنه خطبك من أبوكِ. منى : مو منى بنت خالد اللي ترتبط بهالأشكال فاهمة واللا لسع بعد .
سمر وبكل وقاحة : ليش ؟ وش فيك زود ، أعتقد هذي الأشكال هي اللي دفعت ثلاثة أرباع فلوسها عشان تنقذ لك شركاتك . منى : فعلا أنك وقحة .. وبعدين بالنسبة للمبلغ راح يوصله على الجزمة القديمة .. لأني وبكل صراحة ما أتشرف أخذ مبلغ من شخص مثله يا آنسة سمر .. والآن على أذنك أنا مو فاضية لك . على فكرة مبروك ارتباطك بعبد الله مقدما لأنكم تستاهلون بعض ولا تخافين الزفة بكبرها على حسابي .بااااااااااااااااااااااي ، ويوم هي واصلة للدرج تقابل عبد الله اللي كان واقف وساااااااااامع كل شيء وقتها تمنت منى أنها مسكت لسانها شوية لكن للأسف ما تقدر تسيب حقها ، أما عبد الله حس بأحساس غريب ما يدري هل هو كرة لمنى من اللي سوته أم حبّ وتعلق فيها بزيادة . منى تسوي عمرها ما انتبهت له : بسم الله .. خير بعد لتكون أنت بعد تبغى شيء منى .. واللا لا تكون تبغى فلوسك ، ترا اللي سمعته من سمر الهبلا كفاية . عبد الله وهو يناظرها بنظرات ما فهمتها وما عرفت تفسرها يسحبها من يدها . منى : آآآآآآآآآآآآآي .. سيبني وش تبغى فيني .. سيبني ، أخذها ووداها لمجلس الرجالووقف هو واياها وكأنهم يتحاسبون .. الكل وقف حتى الشباب والبنات استغربوا من طريقة عبد الله وخاصة يوم منى كانت تبكي . نواف: منى اش فيك .. ليش تبكين ، وش اللي صاير عبد الله تكلم . عبد الله وهو يطلع جوالة : حاضر راح أتكلم بس على مهلكم .. بعد ما خلص من المكالمة جته رسالة أنهار عبد الله يوم شاف جواله وقرب منها وعطاها كف لدرجة أنها طاحت على الأرض من قوته .. وطلع من المزرعة ودموعه على خده وكأنه طفل فقد أمه .. كان سائق بسرعة جنونية لحقوه الشباب لكن للأسف ما قدروا يوقفونه .. كان يمشي ولا هو عارف وين رايح أو حتى وين بيوقف ، أمه وعمته كانوا بيموتون من الخوف عليه لأن شكله وهو طالع كان يقطع القلب ، أما سمر فحست ولأول مرة أنها انتصرت على منى لأنها أخذت صورة من النت غيرت فيها ووضعتها باسم ( منى والحبيب) وأول ما شافها عبد الله صار اللي صار، الكل كان متوتر وينتظر أي خبر عن عبد الله اللي طلع من ( صباحا وإلى الان (2) الظهر ماجاء ولا رد على جواله .اما منى فماهي عارفة شو تعمل .. حست بالإحراج لأنه لأول مرة أحد يمد يده عليها ، لكن كل هذا أهون عندها من لو صار شيء في الحبيب اللي تعشقه وبجنون بس عمرها ما قد قالت لأحد هذا الشيء غير نواف طبعا اللي فاهمها . لكن من داخلها هي ميته فيه ومستعده تدفع عمرها بس ماتشوفه زعلان ومتضايق .على الساعة (3) ونصف العصر دق جوال عبد العزيز من رقم غريب ، عبد العزيز : الوووو .. نعم. عبد الله : ما أبغى احد يعرف اني أكلمك فاهم ؟ خرج عبد العزيز وركب سيارته ..ها ياعبد الله وينك .. وش اللي صاير .. إنت وين ..؟؟ عبد الله : أنا في بيت عمتي نورة .. لكن ما أبغى مخلوق يعرف . عبد العزيز : ok .. أنا الآن جاي . عبد الله : معليش ، لكن ابغى أضل بروحي .. لو سمحت . عبد العزيز : إيه ياعبد الله .. بس ... عبد الله يقاطعه : صدقني أنا ما فيني أي شيء بس حاب أضل بروحي . عبد العزيز : ومنى ..... مع السلامة .. لأني مصدع وابغى أرتاح . حس عبد العزيز أن عبد الله مخبئ عليه شيءوشيء كبير بعد وخاصة يوم ذكر اسم منى .ن عبد الله بعد خروجه من المزرعة ضل يلف في الشارع اربع ساعات وبعين اتجه لبيت عمته نورة البيت اللي دايم يذهب له لما يكون متضايق لكن هالمرة مو متضايق لإلا بينفجر من الغيظ .. معقوله يامنى ، معقولة الخيانة تجري في دمك .. معقولة أني دفعت نصف ما أملك ولا سمعت منك حتى شكرا .. معقولة تحبين واحد ثاني وأنا اللي عمري ما حبيت غيرك معقولة الحب والتقدير اللي كنت أحمله لك تحول وصار كره للدرجة هذه فرحانة بوجودك معاه في الصورة لدرجة انك تنشرينها لا ويرسلها لي على جوالي ، ليش وش اللي عملته فيك عشان تقتليني وتذبحيني بالطريقة هذه .. ليش ن ليش ؟؟؟ آآآآآآآآآآآآآه يامنى ، آآخ لو تدرين إنك اول شخص اتعلم منه ولأجله الحبّ وأول شخص أتعلم منه الكره .. الله يسامحك خربتي فرحتي وكرهتيني في شيء اسمه حبّ .. لكن صدقيني راح أقطع قلبي عشان كرامتي لو استلزم الأمر .. صدقيني راح يكون وجودك مثل عدمه في حياتي .. وهذا وعد .. وعد مني يامنى .وتنزل دموعه اللي استمرت ثلاث ساعات وهو يبكي ويحاسب نفسه .

يا ترى هل فعلا عبد الله راح ينفذ اللي يفكر فيه ؟
منى وش راح يصي عليها .. وما هي المفاجأة اللي تحملها لعبد الله ؟؟؟؟؟؟
أنتظروني في البارت الجااااي .[/center]